“Bura tez adaptasiya olmaq olmur”
Misli premyer-liqasının 19-cu turunda “Qəbələ” “Sumqayıt”a uduzub - 0:1.
“Football-plus.az” xəbər verir ki, oyundan sonra “gənclik şəhəri” təmsilçisinin çalışdırıcısı Samir Abasovun mətbuat konfransı keçirilib. Sizi onun fikirləri ilə tanış edirik:
"Gərgin və çətin oyun idi. İlk oyun, Qəbələ səfəri... Bura tez adaptasiya olmaq olmur. Əsas odu ki, yaxşı nəticə ilə qayıdırıq. Bu qələbə qarşıdakı matçlarımıza da təsir edəcək. Motivasiyanın yaxşı olması vacibdi. Qələbə bizə stimul verir. Yeni stadionumuzda azarkeşlərimizin daha çox olacağına inanıram. Futbolçulara təşəkkür edirəm".
- Abu Dossonu sizə aqressiv cavab verdiyi üçün əvəzlədiz?
- Aqressiv cavab vermədi. Onun dəyişməyimin səbəbi oyunu idi. Onun daha ürəkli olmasını istəyirdim. Düşünürdüm ki, qarşısındakı oyunçudan daha üstün olar. Bütün futbolçular meydanda ürəyini qoymalıdı. Asan oyunlar olmayacaq. Özünüz görürsüz ki, çempionat necə gərgin keçir. İntizamı qorumaq önəmli idi. Futbolçular da bunu düzgün etdilər.
- Transfer etməmisiz. Komanda bunun əziyyətini çəkəcək?
- Çəkəcəyik. Aşağı pillələrə düşsək, səbəbi sırf transfer etməməyimiz olacaq. Bu gün sistemi dəyişməyimin səbəbi də sırf heyətlə bağlıdı. Danışıq apardığımız oyunçular var. Amma hələ ki, onları gətirə bilməmişik.
- Hakimin rəqib qapısına verdiyi penalti ilə bağlı fikriniz necədi?
- Matçdan sonra rəqib oyunçudan soruşdum. Dedi ki, mən də görmədim epizodu. Öz futbolçumdan ona görə soruşmadım ki, bizim xeyrimizə danışacaqdı. Mən də epizodu görməmişəm. Amma xoş olan odu ki, hakim dərhal qərar verdi, saatlarla VAR-a baxmadı.
Digər xəbərlər
