“Bu, o demək deyil ki, Mehdini sildik”
Misli premyer-liqasının 9-cu turunda “Sumqayıt” “Kəpəz”i məğlub edib - 1:0.
“Football-plus.az” xəbər verir ki, matçdan sonra “gənclik şəhəri” təmsilçisinin məşqçisi Mübariz Orucovun mətbuat konfransı keçirilib. Sizi onun fikirləri ilə tanış edirik:
“Futbolçular qələbə üçün əllərindən gələni etdilər. Azarkeşlərə təşəkkür edirəm. Onlar sevinməyə layiqdi”.
- İlk yarıda sönük komanda gördük. Fasilədə nə dəyişdi?
- Razıyam. İlk hissədə hər iki komandanın ifasında sönük oyun keçdi. Oyunun gərginliyi var idi. Hər iki komandaya qələbə lazım idi, heç kim risk etmək istəmirdi. Çünki, turnir cədvəli ürəkaçan deyil. Bundan irəli gələ bilərdi. Fasilədə futbolçularla söhbət etdik.
- Yaxşı oyun alınmamasının səbəbi meydanın sürüşkən olması ilə bağlı ola bilər?
- Meydança amilini bəhanə etmək düzgün deyil. Düzdü, Azərbaycanda meydançalar ideal vəziyyətdə deyil. Amma oyunun gözəl alınmaması bununla bağlı deyil. Bir az külək mane oldu.
- Qapıda bu gün Orxan Sadıqlıya şans vermək nə ilə bağlı idi?
- Ümumiyyətlə Orxana şans vermək istəyirdik. Oyundan 2-3 gün əvvəl Mehdi Cənnətovda zədə var idi. Əsas səbəbi budu. Bu, o demək deyil ki, Mehdini sildik. Orxan bu gün ümidləri doğrultdu.
Digər xəbərlər
