"Prinsipcə hər şey plan üzrə gedib. Yalnız hava şəraiti ilə bağlı ikinci yoxlama oyununu keçirə bilmədik. Yaxşı məşqlər etdik, gündə iki dəfə hazırlaşdıq. Düşünürəm ki, nəzərdə tutulan proqramı yerinə yetirdik. Hazırda "Qəbələ" ilə birgə aşağıda yer almışıq. Bir neçə xal qazansaq, yuxarıdakılara çata bilərik. Qərb derbisinə gəlincə, ötən il "Turan Tovuz"la gərgin oyunlar keçirdik. Bu komandaya 0:4 hesabı ilə uduzduğumuz zaman həmin rəqiblə matçların derbi mahiyyəti daşıdığını anlamışdım. Düzü, "Turan Tovuz"la oynamaq çətindi. Azarkeşləri çoxdu və komandaya yüksək enerji ötürə bilirlər. Bütün gücümüzlə matça hazırlaşırıq. Ümid edirəm ki, yaxşı oyun keçirib qələbə qazanacağıq".

"Adətən, qış fasiləsindən sonra oyunlar daha gərgin keçir. Bu dəfə də belə olacağı bəllidi. Komandalar mövsümün birinci yarısında etdiyi səhvləri aşkarlayıb qarşıdakı matçlarda qüsursuz oynamağa çalışacaqlar. Düzdü, bunun üçün vaxt az oldu, lakin fürsətdən istifadə edib müəyyən mövqeləri gücləndirə bildik. Zədəlilərimiz olsa da, deyə bilərəm ki, komandamız 75-80 faiz hazırdı. Bizim üçün ilin ilk rəqibi "Kəpəz"di. Gəncə təmsilçisi ilə görüşlərimiz həmişə gərgin rəqabət şəraitində keçib. Xüsusilə son oyunlar göstərdi ki, qarşı tərəfi məğlub etmək asan deyil. Bizi çətin qarşılaşma gözlədiyini bilirik. Buna baxmayaraq, verilən tapşırıqları lazımi səviyyədə yerinə yetirərək azarkeşlərimizi sevindirməyə çalışacağıq. Əmin olsunlar ki, bunun üçün əlimizdən gələni edəcəyik".