"Düşünürük ki, açılışdan öncə qısa da olsa, yarım, bir saatlıq xüsusi bayram əhval-ruhiyyəsi yaradacaq tədbir hazırlayaq. Tədbirin hansı formada, necə təşkil olunacağı hələlik dəqiqləşməyib. Azarkeşlər üçün mini bir konsert olacaq. Bərpadan sonra Mehdi Hüseynzadə adına Sumqayıt şəhər stadionunda keçirilən ilk oyundan azarkeşlər həm futbol, həm də əyləncə baxımından zövqlə ayrılmalıdılar. Xüsusi planlarımız var. Hələ də işlərimiz davam edir. Həm ilk oyunda, həm də sonrakı bütün ev oyunlarında bilet satışı nəzərdə tutulub. Hələlik biletlərin qiyməti ilə bağlı qərar verməmişik. Lakin azarkeşlərin, bütün futbolsevərlərin maliyyə durumunu nəzərə alıb, biletləri münasib qiymətdə satışa çıxaracağıq".