“PFL olaraq, Sumqayıt şəhərində yerləşən Mehdi Hüseynzadə stadionuna bir neçə dəfə baxış keçirmişik. Oyunun keçirilməsi üçün lazım olan bütün planlamalar Sumqayıt klubuna təqdim olunub. Yekun təftişimiz iki gün öncə oldu. Artıq gördük ki, klub biz tərəfdən verilən təlimatları həyata keçirib və ümumi idarə heyətinin müzakirələrindən sonra qərara aldıq ki, “Sumqayıt” Mehdi Hüseynzadə adına şəhər stadiona keçə bilər. Sadəcə, stadionun işıqlandırılması ilə bağlı məsələlər hələ də aktualdı. Amma sevindirici hal odu ki, Sumqayıt təmsilçisi liqanın və yayının meyarlarına uyğun çalışmalar həyata keçirir. İşıqlanma məsələsinin ən qısa zamanda həllini tapacağını bizə bildiriblər. Əlbəttə, işıqlandırmanın nə qədər uyğun olub-olmadığını yekun yoxlamadan sonra biləcəyik. Hələ ki qış fəslindəyik və oyunların gündüz keçirilməsi mümkündü. Bütün işlərlə bağlı ümumi danışsaq, həm əsas və yardımçı otaqlarla, həm media-çəkiliş platformalarıyla, həm də azarkeşlərin stadiona qəbulu ilə bağlı məsələlər həllini tapıb. Sadəcə, işıqlandırma məsələsini sonrakı günlərdə də diqqətdə saxlayacağıq”.