Ronaldo növbəti dəfə evlənib.

“Football-plus.az” xəbər verir ki, Braziliya yığmasının sabiq hücumçusu 7 illik münasibətdən sonra model Selina Loks ilə ailə həyatı qurub.

“Marca” qəzetinin yaydığı məlumata görə, onun toyu sentyabrın 25-də olub. Toy mərasimi İbitsada, “Es Cubell” kilsəsində baş tutub. Toydan sonra Ronaldonun evində 400 qonağın iştirak etdiyi şənlik də təşkil olunub. Yeni evlənənlər sosial şəbəkə hesablarında xoş hadisə ilə bağlı belə paylaşım ediblər: “Bu gün biz ailələrimizi şəxsi bayramımıza topladıq. Beləliklə, emosiyalarla dolu bir həyata qədəm qoyuruq”.

Ronaldo 1994-2011-ci illərdə formasını geydiyi Braziliya yığmasında 99 oyun keçirib, 62 qol vurub və 25 məhsuldar ötürmə verib. Sabiq forvard 2 dəfə dünya çempionatının (1994, 2002), 2 dəfə isə Amerika Kubokunun (1997, 1999) qalibi olub. Onun bundan əvvəl iki dəfə başqa xanımlarla rəsmi nigahda olduğunu da bildirək.