''Son 10 dəqiqədə də olsa, meydana çıxdım. Qələbə qazandığımız üçün sevincliyəm. Artıq finala hazırlaşacağıq. Finalda kiminlə qarşılaşmağımızın fərqi yoxdu. Biz ''Real''ıq və meydana yalnız qələbə üçün çıxacağıq. Komandada gözəl ailə ab-havası var. İlk 5-6 ayda zədəli oldum. Zədədən qayıdan kimi baş məşqçimiz dərhal məni heyətə salmağa və şans verməyə başladı. Mənimlə yaxından maraqlanır. Hər fürsətdə mənə güvəndiyini göstərir. İnşallah belə davam etsəm, hər şey daha yaxşı olacaq. Türkiyədən inanılmaz dəstək alıram. Hər kəsə təşəkkür edirəm. Arzularımın əvvəlindəyəm. Mövsümü çox yaxşı keçiririk. Düzdü, mən hələ ki, o qədər də çox oynamıram. Ümid edirəm ki, komandanın vacib bir parçasına çevriləcəm. Bu il Türkiyə yığması ilə də AÇ-2024-də mühüm işlər görəcəyimizə inanıram''. Baş məşqçi Karlo Ançelotti isə oyunsonrası mətbuat konfransında türkiyəli futbolçu haqda suala belə cavab verdi: ''Arda 5-6 ay zədələrlə mübarizə aparmalı oldu. Artıq onun üçün işlər qaydasına düşməyə başlayıb. Bu cür futbolçuya sahib olduğumuz üçün sevincliyik. Onun üzərində dərhal böyük təzyiq yaratmağa ehtiyac yoxdu. Arda onsuz da istedadını göstərə bilmək üçün lazımi qədər fürsət qazanacaq. Bir az səbrli olmalıyıq. İndi ilk növbədə onun komandaya adaptasiya olunmasına çalışırıq. Amma səviyyəsinə söz ola bilməz. ''Real'' üçün yaxın müddətdə çox önəmli futbolçuya çevriləcək''.