Bu sözləri "football-plus.az"a açıqlamasında MOİK-in baş məşqçisi Qəzənfər Abbasov deyib. O, qarşıdakı günlərdə 5 yoldaşlıq görüşü keçirəcəklərini bildirib:
"Oynayacağımız komandalar həm birinci, həm də ikinci liqadandı. Yanvarın 20-dən sonra təlim-məşq toplanışımız olacaq. Ancaq harda olacağı hələ dəqiqləşməyib. Bu fasilədə cəmi bir transfer reallaşdırmışıq, Bir-iki nəfər də gözləyirik. Bu gün də bəzi oyunçular komandaya baxışa gəldi. Yaxın müddətdə onlar barədə də qərar verəcəyik. Seçimlərdən keçə bilsələr, komandaya cəlb edəcəyik”.
KAMAL SƏFƏR
