"Yoldaşlıq oyunu olsa da, maraqlı alındı. Sanki çempionat matçına çıxmışdıq. Qələbə qazandıq. Buna şadam. Qələbə həmişə xoşdu. Xeyli vaxt idi zədədən əziyyət çəkirdim. Şükürlər olsun ki, zədəmi sağaltmışam və artıq şans qazanıram. Baş məşqçimiz Rəşad müəllim hər zaman mənə arxa-dayaq olub. Çoxları məni komandasında görmək istəməyəndə Rəşad müəllim "Zirə"yə cəlb etdi. Təəssüf ki, zədələr özümü doğrulmağa imkan vermədi. Amma qarşıda 2-ci yarı var. Baş məşqçimiz şans versə, meydanda bütün potensialımı ortaya qoyacam ki, oynamağa layiqəm. Həmçinin Rəşad müəllimin mənə olan etibarını doğruldacam. Hesab edirəm ki, çempionatın ilk yarısını yaxşı keçirərək qış fasiləsinə 2-ci pillədə yolandıq. İndi bu mövqeyimizi qorumaq üçün döyüşməliyik".