"Hazırda "Neftçi" xoş günlərini yaşamır. Futbolumuzun flaqmanına yaraşan oyun və nəticələr görmürük. Mənim karyeramda 2 xüsusi yer tutan klub olub. Bunlar "Xəzri" və "Neftçi"di. Odu ki, "ağ-qaralar"ın mövcud vəziyyəti məni də üzür. Sözümdən kimsə inciməsin. Adrian Mutu əla ulduz futbolçu olub.  Amma bu rumıniyalının müəllim, baş məşqçi kimi də effektli biri olması demək deyil. Hazırda "Neftçi" fanatların və xalqımızın arzuladığı səviyyəsindən çox uzaqdadı. Ona görə də düşünmürəm ki, meydan sahibləri sabah "Zirə"ni rahatlıqla məğlub edəcək. Rəşad Sadıqov artıq məşqçi kimi ağırlığını göstərməkdədi. Millimizin sabiq kapitanı hazırda Zirə təmsilçisində yaxşı, döyüşkən kollektiv yaradıb. Odu ki, bu mövsüm Rəşad Sadıqovun komandasının mükafatçılar sırasında olacağına şübhə etmirəm. Düşünürəm ki, "qartallar" "Nefçi" səfərində uduzmayacaq".