Startı ötən ilin dekabrında keçirilən 4 oyunla verilən İtaliya kubokunun 1/8 finalında yanvarın 2-4-ü aralığında növbəti duellər baş tutdu. Bununla da 1/4 finalın bütün iştirakçıları müəyyənləşdi.

"Football-plus.az" xəbər verir ki, reqlamentə əsasən, A seriyasının son mövsümünü ilk 8 yerdə başa vuran “Napoli”, “Latsio”, “İnter”, “Milan”, “Atalanta”, “Roma”, “Yuventus” və “Fiorentina” ölkə kubokunda mübarizəyə 1/8 finaldan başladı. Bu komandalar biroyunluq mübarizədə rəqibləri ilə öz meydanlarında qarşılaşdılar. Mərhələnin 2023-cü ildə keçirilən ilk 4 oyunundan ikisində gözlənilməz nəticələr qeydə alınmışdı: İtaliyanın son çempionu “Napoli” evdə “Frozinone”yə 0:4, kubokun son qalibi “İnter” isə “Bolonya”ya 1:2 hesabı ilə uduzaraq mübarizəni dayandırmışdı.

1/8 finalın bu ilə təyin olunan matçlarında sensasiya qeydə alınmadı. Əvvəlcə yanvarın 2-də “Milan” evdə “Kalyari”ni 4:1 hesabıyla məğlub edərək növbəti mərhələyə adladı. Ayın 3-də “Atalanta” “Sassuolo”ya 3:1, “Roma” “Kremoneze”yə 2:1, yanvarın 4-də isə “Yuventus” “Salernitana”ya 6:1 hesabı ilə qalib gəldi. Beləliklə, yanvarın 9-11-i aralığına təyin olunan 1/4 final oyunlarında cütlər belə formalaşdı: Fiorentina – Bolonya, Latsio – Roma, Milan – Atalanta, Yuventus - Frozinone.

1/8 final
Milan – Kalyari 4:1
Yoviç, 29; 42. Traore, 50. Leao, 90+2 – Paulo Atsi, 87.
Milan: Mirante, Ernandes, Şimiç, Ximenes (Bartesanyi, 80), Kalabriya (Florentsi, 61), Adli, Reynders (Zeroli, 80), Romero (Pulişiç, 71), Yoviç, Çukvueze, Traore (Leao, 70).
Atalanta – Sassuolo 3:1
De Ketelare, 24; 63. Mirançuk, 71 – Atsi, 88.
Atalanta: Musso, Kolaşinats (Palomino, 81), Cimşiti, Holm, Skalvini (Koopmeyners, 74), Zappakosta, De Roon, Ederson, Paşaliç (Muriel, 74), Mirançuk (Zortea, 87), De Ketelare (Skamakka, 74).
Roma – Kremoneze (D-2) 2:1,
Lukaku, 77. Dibala, 85-p. – Tsacut, 37.
Roma: Svilar, Lyorente (Zalevski, 46), Karsdorp (Spinatsola, 74), Çelik (Kristensen, 46), Bove (Azmun, 67), Lorentso Pelleqrini, Paredes, Kristante, Əl-Şaaravi, Belotti (Dibala, 46), Lukaku.
Yuventus – Salernitana 6:1
Miretti, 12. Kambyaso, 34. Ruqani, 54. Bronn, 75-öz qapısına. Yıldız, 88. Vea, 90+1 – İkvuemesi, 1.
Yuventus: Perin, Danilo, Ruqani, Qatti, Kambyaso (Kostiç, 83), Lokatelli, Rabyo, Miretti (Nonqe Boende, 76), İllinq-Cunior (Vea, 66), Kyeza (Yıldız, 66), Milik (Vlahoviç, 76).
Bu mərhələnin ötən ilin dekabrında keçirilən oyunlarının nəticələri: Latsio – Cenoa 1:0 (Genduzi, 5), Fiorentina – Parma (D-2) 2:2, p. – 4:1 (Nzola, 83. Sottil, 89 – Bernabe, 21. Bonni, 23), Napoli – Frozinone 0:4 (Barreneçea, 65. Kazo, 75. Çeddira, 90+1-p. Harrui, 90+5), İnter – Bolonya 1:2, əlavə vaxtda (Auqusto, 92 – Beukema, 112. Ndoye, 116).