A seriyasının 15-ci turuna cümə günü Turində start verildi.

"Football-plus.az" xəbər verir ki, mərkəzi oyunda “Yuventus”a minimal hesabla uduzan “Napoli” titulu qorumaq yolunda daha bir zərbə aldı. “İnter” isə növbəti qələbə ilə liderliyini davam etdirdi.

Əvvəlki turun Neapolda baş tutan matçında “İnter”ə üç cavabsız qolla uduzan liqanın son çempionu Turində heç də pis təsir bağışlamadı. Valter Matsarrinin komandası ilk hissədə topa daha çox sahib olması ilə yadda qaldı. Lakin qonaqlar qapıya dəqiq zərbə endirməkdə çox çətinlik çəkirdilər. Bunun səbəbi isə turinlilərin evdə oynamasına baxmayaraq, rəqibin hücum xəttini zərərsizləşdirməyə daha çox diqqət yetirməsi ilə bağlı oldu. Nəticədə neapollular oyun ərzində Şçensnının qoruduğu qapıya yalnız bir dəfə dəqiq zərbə ebdirdilər ki, o da 88-ci dəqiqəyə təsadüf etdi. “Yuventus” ikinci hissənin əvvəlində hesabı açandan sonra da müdafiədən gözünü çəkmədi. Minimalhesablı qələbə Massimiliano Alleqrinin komandasını 2-ci yerdə möhkəmləndirdi. Bu mövsüm çempionatda 5-ci dəfə uduzan “Napoli” liderdən 14 xal geri düşməklə 6-cı yerə yuvarlandı. Qeyd edək ki, İtaliya çempionunun bütün turnirlərdə məğlubiyyət seriyası 3 oyuna çatdı. “Napoli” daha əvvəl çempionatda “İnter”ə (0:3), Çempionlar Liqasında isə “Real”a (2:4) məğlub olmuşdu. Bu, Neapol klubu üçün son 7 ildə ən pis göstəricidi. Komanda bu müddətdə ardıcıl 3 oyunda uduzmamışdı. Neapollular sonuncu dəfə 2016-cı ilin oktyabrında Mauritsio Sarrinin rəhbərliyi altında ardıcıl 3 oyunda məğlub olmuşdu. Maraq üçün cənubluların 2016/17 mövsümündə A seriyasında 3-cü yeri tutduğunu da bildirək.

“İnter” evdə “Udineze”dən 3 xal almaqda çətinlik çəkmədi. 4 cavabsız qolla qalib gələn milanlılar liderliyi qorudular.

“Milan” ardıcıl iki qələbədən sonra azarkeşlərini yenə məyus etdi. Doğrudu, Beqamo səfərinin “qırmızı-qaralar” üçün çətin keçəcəyi gözlənilirdi. Qonaqlar “Atalanta” ilə matçda hesabı iki dəfə bərabərləşdirsələr də, sonda daha bir top buraxaraq evə əliboş döndülər. 2:3 hesablı məğlubiyyət “Milan”ın 3-cü yerdəki mövqeyinə təsir etmədi. Amma Stefano Pyolinin komandasının liderdən 9 xal geri düşməsi çempionluğu hədəfə alan iddiaçı üçün ciddi siqnal olmalıdı.

Paytaxtın hər iki komandası turu bir xalla başa vurdu. “Latsio” səfərdə “Verona”, “Roma” isə evdə “Fiorentina” ilə 1:1 hesablı heç-heçəyə razılaşdı.

15-ci tur
Yuventus – Napoli 1:0
Qatti, 51. (41400)
Yuventus: Şçensnı, Qatti, Bremer, Danilo, Kostiç (Aleks Sandro, 83), Kambyaso (Aylinq, 90+3), Rabyo, Lokatelli, Makkenni (Ruqani, 90+2), Kyeza (Ken, 83), Vlahoviç (Milik, 70).
Napoli: Meret, Natan (Zanoli, 72), Juan Jezus, Rrahmani, Di Lorentso, Zyelinski (Elmas, 64), Lobotka (Kayuste, 86), Zambo Angissa, Kvaratsxeliya (Simeone, 87), Politano (Raspadori, 68), Osimhen.
Verona – Latsio 1:1
Anri, 70 – Zakkanyi, 23. (30000)
Latsio: Provedel, Maruşiç (Hüsay, 29/Luka Pelleqrini, 84), Qila, Kazale, Latsari, Luis Alberto, Rovella, Genduzi (Vesino, 84), Zakkanyi (Pedro, 72), Felipe Anderson, İmmobile (Kastelyanos, 72).
Atalanta – Milan 3:2
Lukmen, 38; 55. Muriel, 90+5 – Jiru, 45+3. Yoviç, 80. (14907)
Atalanta: Musso, Skalvini, Cimşiti, De Roon, Rucceri (Holm, 90+8), Ederson, Zappakosta, Koopmeyners, Paşaliç (Adopo, 87), De Ketelare (Muriel, 82), Lukmen (Mirançuk, 82).
Milan: Menyan, Florentsi, Ernandes, Tomori, Kalabriya, Musa, Reynders (Adli, 88), Loftus Çik (Yoviç, 72), Pulişiç, Çukvueze (Bennaser, 59), Yoviç.
İnter – Udineze 4:0
Çalhanoğlu, 37-p. Dimarko, 42. Türam, 44. Lautaro Martines, 84. (71874)
İnter: Zommer, A.Bastoni (Auqusto, 56), Açerbi, Bissek, Dimarko (Kuadrado, 71), Mxitaryan (Sensi, 79), Çalhanoğlu (Asllani, 71), Barella, Darmian, Lautaro Martines, Türam (Arnautoviç, 56).
Roma – Fiorentina 1:1
Lukaku, 5 - Lukas Martines, 66. (60392)
Roma: Patrisio, Ndika, Lyorente, Mançini, Zalevski, Lorentso Pelleqrini (Bove, 85), Kristante, Paredes, Kristensen, Dibala (Azmun, 25/ Əl-Şaaravi, 62), Lukaku.
Fiorentina: Terraçano, Biraqi, Ranyeri, Lukas Martines, Kayode (M.Lopes, 81), Dunkan, Artur, Kuame, Bonaventura (Sottil, 78), İkone (Qonsales, 72), Nzola.
Frozinone – Torino 0:0
(13807)
Montsa – Cenoa 1:0
Mota, 83. (13283)
Salernitana – Bolonya 1:2
Simi, 75 – Zirkzee, 9; 20. (17000)
Empoli – Leççe 1:1
Rafya, 71-öz qapısına – Banda. 64. (7152)
Kalyari – Sassuolo 2:1
Lapadulo, 90+3. Pavoletti, 90+8 – Erliç, 7.

1. İnter 15 12 2 1 37-7 38
2. Yuventus 15 11 3 1 23-9 36
3. Milan 15 9 2 4 26-18 29
4. Roma 15 7 4 4 28-17 25
5. Bolonya 15 6 7 2 18-12 25
6. Napoli 15 7 3 5 26-18 24
7. Fiorentina 15 7 3 5 24-18 24
8. Atalanta 15 7 2 6 24-18 23
9. Montsa 15 5 6 4 16-14 21
10. Latsio 15 6 3 6 16-16 21
11. Torino 15 5 5 5 13-16 20
12. Frozinone 15 5 4 6 20-24 19
13. Leççe 15 3 8 4 17-20 17
14. Cenoa 15 4 3 8 15-20 15
15. Sassuolo 15 4 3 8 22-28 15
16. Kalyari 15 3 4 8 15-27 13
17. Udineze 15 1 9 5 12-25 12
18. Empoli 15 3 3 9 10-27 12
19. Verona 15 2 5 8 13-22 11
20. Salernitana 15 1 5 9 11-30 8

Bombardirlər: Lautaro Martines (İnter) - 14, Jiru (Milan) – 8.
Növbəti turun oyunları dekabrın 15-18-i aralığında keçiriləcək: Cenoa – Yuventus, Napoli - Kalyari, Leççe – Frozinone, Torino - Empoli, Milan - Montsa, Fiorentina – Verona, Udineze - Sassuolo, Bolonya – Roma, Latsio - İnter, Atalanta - Salernitana.

Turun rəqəmi
3 – Federiko Qatti ardıcıl ikinci oyunda “Yuventus”a qələbə gətirən qolun müəllifi oldu. O, “Montsa” ilə əvvəlki matçda da rəqib qapısına yol tapmışdı. 25 yaşlı futbolçu bu mövsüm A seriyasında ən çox – 3 qol vuran müdafiəçidi. Federiko Avropanın 5 aparıcı çempionatında çıxış edən müdafiəçilər sırasında Alexandro Qrimaldo (“Bayer-04”, 7), Ceremi Frimponq (“Bayer-04”, 4) və Robin Qosensdən (“Union”, 4) geri qalır.

Turun ulduzu
Ademola Lukmen (Atalanta) – “Milan”la oyunda “Atalanta”nın hücum xəttinin bütün üzvləri çox yaxşı təsir bağışladılar. Onlar sırasında ən yaxşısı isə Lukmen idi. 26 yaşlı nigeriyalı forvard 3:2 heablı qələbədə iki qol vurmaqla rol oynadı. Ademolanın bu mövsüm 6 qolla komandasının ən yaxşı bombardiri olduğunu bildirək.

Turun sitatı
Şarl de Ketelare, “Milan”ın icarə əsasında “Atalanta”da çıxış edən yarımmüdafiəçisi: “Bizim üçün vacib olan oyunda 3 xal qazandıq. Gizlətməyəcəm, “Milan” üzərində qələbə mənə xüsusi ləzzət verdi. Bu qələbəyə yalnız mən deyil, hamımız sevinirik”.