Şahin Diniyev ölkə kubokunun 1/8 final mərhələsi çərçivəsində “Şamaxı” ilə matçdan sonra mətbuat konfransında diqqətçəkən təkliflə çıxış etmişdi.

Belə ki, mütəxəssis “Səbail”in gənc yetirmələrinin pulsuz aşağı liqa klublarında oynamasına şərait yaradacağını demişdi. Təbii ki, “Səbail”in əsas heyətindən söhbət getmir. Bura akademiyanın və əvəzedicilərin gənc futbolçuları daxildi. İndiki durumda 1-2-ci liqa klubları da fasilədən istifadə edərək daha da güclənməyə çalışırlar, yeni oyunçular axtarışındadılar. Görəsən, bu mərhələdə oyunçu axtarışında olan klublar “dənizçilər”ə müraciət edibmi? Bu barədə məlumat öyrənmək üçün “Səbail”in mətbuat xidmətinin rəhbəri Rəşad Məmmədovla əlaqə saxladıq. O, “Football-plus.az”a açıqlamasında hansısa liqa klubundan bu məsələ ilə bağlı müraciət daxil olmadığını söylədi.

MİRKAMAL KAZIMZADƏ