"Təbii ki, böyük hesabla məğlub olmağımız üzücüdü. Amma gəlin məsələyə soyyuqqanlı yanaşaq. Ölkə kubokunda nə 2-ci liqa klubları 1-ci liqa təmsilçilərini, nə də 1-ci liqa komandaları elitada çıxış edənləri üstələyə bildi. Üç çempionatımız var hər biri arasında da səviyyə fərqi göz önündədi. Bu da Azərbaycan futbolunun reallığıdı. Əlbəttə, "Səbail"ə 6 top fərqiylə məğlubiyyət xoş deyil. Amma bu, sadəcə, bir oyundu. Odu ki, "dənizçilər"ə məğlubiyyəti faciəyə çevirmək lazım deyil. Hazırda çempionatda 3-cü pillədə qərarlaşmışıq və liderlə böyük xal fərqimiz yoxdu. Məqsədimiz eyni qalır - çempionluğu hədəfləyirik. Güclənməyə gəlincə, elə bir komanda yoxdu ki, bunu istəməsin. Hətta bu gün elitada mübarizə aparan 10 klub belə heyətini gücləndirmək istəyir. Yeni transferlər barədə düşünürük. Amma bu sıradan bir istək deyil. Dəqiqləşdirilməli çox məsələlər var. Əvvəla, büdcəmiz imkan verməlidi. Sonra klubun mənafeyinə, məqsədinə uyğun gələn oyunçular varmı? Baş məşqçimizin futbol fəlsəfəsinə layiq futbolçu tapa bilərikmi? "Şamaxı"da oynamaq istəyən futbolçular varmı? Məhz bu məsələləri aydınlaşdırandan sonra heyətimizi gücləndirə bilərik. Zatən bu sahədə axtarışlarımız gedir".