"Aleksey İsayevi "Sumqayıt"a gəldiyi gündən tanıyıram. Onu deyim ki, insan kimi keyfiyyətləri çox aşağıdı. Media ilə ünsiyyəti sıfırdı. Eqoist, özündənrazı biridi. Amma futbolçu kimi yaxşı futbolçudu, öz mövqeyində ölkədə ən güclülərdən sayılır. O ki qaldı onun "Qarabağ"a keçidinə, əksəriyyət təhlil etdi-etmədi, uğurlu keçid adlandırır. Amma mən əminliklə bunu deyə bilmərəm. Güman ki, Qurban Qurbanov Alekseyi ölkə çempionatı üçün nəzərdə tutub. Çünki Avropa səviyyəli oyunlar üçün Alekseyin faydalı olacağını düşünmürəm. Səviyyəsi buna imkan vermir. Amma ola bilər ki, yerli çempionat üçün də fayda verməsin. Ümumiyyətlə, nədənsə mənə elə gəlir ki, Aleksey "Qarabağ"lıq futbolçu deyil. Bir də müqavilənin müddəti maraqlı gəldi. Futbolçunun 28 yaşı var, gələn il 29 olur. Onunla hansı məntiqlə 3,5 illik müqavilə imzalanıb? Sözləşməsi bitəndə 32 yaşın içində olacaq. 30-31-32 yaşda hansı formada olacaq, sabit oynaya biləcəkmi, bunlar mənə görə sualdı. Nəzərə alaq ki, Qara Qarayevi 31 yaşında ehtiyata göndərmişdilər. Amma 30-un astanasında olan Alekseylə 3,5 illik müqavilə bağlanır..."