Ponomaryovdan Alekseyin gedişiylə bağlı gözlənilməz ETİRAF - "Amma neyləyək..."
“Qarabağ" qış fasiləsində ilk transferini reallaşdırdı. Ağdam təmsilçisi "Sabah"dan Aleksey İsayevi heyətinə qatdı.
"Football-plus.az" yığma üzvünün gedişi "bayquşlar"a, təbii ki, təsirsiz ötüşməyəcək. Bəs Masazır təmsilçisi bu boşluğu aradan qaldırmaq üçün seleksiya işlərinə başlayıbmı?
"Sabah"ın Müşahidə Şurasının üzvü və idman direktoru İqor Ponomaryov "Football-plus.az" saytına bunları dedi:
"Öncəliklə Aleksey İsayevə "Qarabağ"da uğurlar arzulayır və boyundan bir qədər də hündürə tullanmağı arzulayıram. Bəli, vitse-kapitanımızı itirmək istəməzdik. Onun gedişi komandamızda müəyyən boşluqlar yaradacaq və oyun ritminə təsir göstərəcək. Amma neyləyək, futbolun reallıqlarından biri də budu. Artıq Alekseyi əvəz edəcək futbolçu axtarışına start vermişik. Seleksiyaçılarımız transfer bazarında maksimum fəallıq göstərməlidi. Bu sahədə nə dərəcədə uğur qazanıb-qazanmayacağımızı zaman göstərəcək".
ABDULLA İSMAYILOĞLU
Digər xəbərlər
