Pyolinin yerini kim tutacaq?

Stefano Pyolinin işdən azad ediləcəyi haqda şayiələr səngimir.

Buna baxmayaraq, “Milan” rəhbərliyi onu istefaya göndərməyə tələsmir. Lakin təcrübəli mütəxəssis ilə yolların mövsümün sonunda ayrılmaq ehtimalı çoxdu.

“Football Italia” nəşrinin yaydığı xəbərə görə, komandaya Antonio Kontenin təyinat alacağı gözlənilir. Rəhbərliyin məhz 54 yaşlı mütəxəssisə üstünlük verdiyi bildirilir.

Qeyd edək ki, Konte ötən ilin martında “Tottenhem”i tərk edəndən sonra heç bir yerdə işləmir.