2023-cü ilin futbol dünyasında hansı hadisələrlə yadda qaldığını xatırlatmağın məqamıdı.

İl milli komanda səviyyəli nəhəng turnirlər baxımından kasad olsa da, vurğulanası məqamlar da yox deyildi. Əlbəttə, 365 gün ərzində sevindirici hadisələr yaşandığı kimi, məyusluq doğuran faktlar da qeydə alındı. İndi geri boylanaraq daha önəmli hadisələrə nəzər salacağıq. Beləliklə...

...qərarı...
Çoxdan gözlənilən qərar dekabrın 21-də açıqlandı. Avropa İttifaqı Məhkəməsi (AİM) Superliqa layihəsi qarşısında az və ya çox dərəcədə “yaşıl işıq yandırdı”: məhkəmənin FİFA və UEFA-nı bu layihənin reallaşmasına imkan verməməklə Avropa İttifaqı qanunlarını pozduğunu bəyan etməsi futbolda yeni dövrün başlamasına yol aça biləcəyi güman olunur. Yalnız rəsmən “Real” və “Barselona”nın dəstəklədiyi Superliqanın 2025-ci ildən start götürməsi nəzərdə tutulub. Amma artıq təşkilatçı şirkət üçün saysız-hesabsız problemlər ortaya çıxıb. Belə ki, FİFA və UEFA-dan başqa Avropa Klublar Assosiasiyası və Avropa Klublar İttifaqı kimi beynəlxalq qurumlar, qitənin 5 aparıcı futbol liqası layihənin əleyhinə çıxıb. UEFA artıq AİM-ə qərara yenidən baxmaq xahişi ilə müraciət edib. Layihənin rəhbərliyi “Bavariya”, “Liverpul”, “Mançester Yunayted”, PSJ, “İnter” və “Atletiko”nun da daxil olduğu çox sayda klubun UEFA-nın bayrağı altında keçirilməyəcək hansısa turnirə qatılmayacağını bəyan etməsinə görə də narahatdı. Hər halda, Superliqanın tez və ya gec reallaşmasının yalnız AİM-in qərarı ilə mümkün olacağını proqnozlaşdırmaq heç də asan deyil.