"Məsələni uzatmadan “aydındı, problem yoxdu” deyib “Neftçi”ylə sağollaşdım”
“Neftçi” kommersiya direktoru Rüstəm Allahverdiyevlə yollarını ayırdığını açıqladı.
Klubun rəsmi feysbuk səhifəsi vidanın qarşı tərəfin istəyiylə reallaşdığını dedi. Görəsən, ayrılığın səbəbi nədi? Bu sualla Rüstəm bəyə müraciət etdik. Onun "football-plus.az"a söylədikləri:
"Əslində bu ilin yayında özüm rəhbərliyə yaxınlaşıb uyğun təklif aldığımı demişdim. Bildirmişdim ki, yola mənimlə davam etmək istəyirsə, mən razıyam. Yox, belə deyilsə, indidən sağollaşaq... İndi də oturub danışdıq. Söylədilər ki, mənim gördüyüm işi daha peşəkar şəkildə qurmaq istəyirlər. Uzun sözün qısası, mənim idarə etdiyim departamenti ləğv edib başqa agentliyə vermək istəyirlər. Məsələni uzatmadan “aydındı, problem yoxdu” deyib “Neftçi”ylə sağollaşdım”.
KƏNAN BAHADIR
Digər xəbərlər
