"Neftçi" dekabrın 14-də Kenni Sayeflə yollarını ayırdığını açıqladı. Halbuki, 2022-ci ilin iyulunda transfer edilən futbolçuyla 2 illik müqavilə imzalamışdı.

Klub ayrılığın səbəbinin şəxsi məsələlərlə bağlı olduğunu açıqladı. Görəsən, burda nəzərdə tutulan nədi? Ümumiyyətlə, Bakı təmsilçisi mövzuyla bağlı niyə daha dəqiq bilgi vermədi?
"Neftçi"nin mətbuat xidmətinin rəhbəri Emin Əfəndi "football-plus.az"a Sayefin Bakıda yaşamaq istəmədəyini bildirdi. Klub rəsmisinin dediyinə görə, futbolçu və ailəsi paytaxtımızda yaşamaq istəməyib.

Qeyd edək ki, oyunçu "ağ-qaralar"dan ayrıldıqdan 5 gün sonra Hayfa "Makkabi"siylə anlaşıb. Yeni müqavilənin də müddəti iki ildi. O, yalnız gələn ayın əvvəlində, yanvar ayının transfer pəncərəsi başlayanda meydana çıxa biləcək.

29 yaşlı Sayef karyerasına “Makkabi”nin gənclər komandasında başlayıb.

KƏNAN BAHADIR