“Klubdan öz istəyimlə ayrıldım. Qərarımın başlıca səbəbi son 2 turda olan məğlubiyyətlərdi. Bildiyiniz kimi, keçən il “Fomget”lə çempionluq yaşamışıq. Komanda tarixində ilk dəfə Çempionlar Liqasında iştirak etdi. Böyük işlər gördük. Yaranma tarixindən bu yana ilk dəfə Ankaraya superliqa kuboku gəldi. Bütün bu nailiyyətlər bir əziyyətin, zəhmətin bəhrəsiydi. Bu il də çempion olmağı hədəfləmişdik, amma bəzi şeylər yolunda getmədi. Klubun başqanı, idarə heyəti, məni ora götürən şəxs komandanın koordinatoru Doğan Kaya ilə çox yaxşı münasibətlərim var. Ən azından dostları itirməyim deyə belə qərar verdim və klubdan dost kimi ayrıldım. İnşallah ki, qərarım həm özüm, həm də klub üçün xeyirli olar”.