“ABB Fomget"in bu mövsüm üçün hədəfi böyükdü. Çempion olmaq arzusundayıq. 1/8 finalda "Hakkarigücü"nü 5:0, 1/4 finalda "Fatih Vatan"ı 4:0 hesabı ilə məğlub edərək yarımfinala yüksəldik. Mayın 13-də bizi "ALG Spor"la çətin sınaq gözləyir. Cavab oyunu isə mayın 20-də keçiriləcək.

Heyəti dəyişməyən yeganə klub "ABB Fomget"di. B qrupunun oyunlarında 18 dəfə meydana çıxdıq. 16 qələbə, 1 heç-heçə, 1 məğlubiyyətdən sonra bu mərhələni 49 xalla ikinci yerdə bitirdik ("Qalatasaray" 51 xalla lider olub - red.) Əvvəlki illərdə uğur qazanmaqda çətinlik çəkən komanda ilə bu yerlərə gəlmək sevindirici haldı.

Türkiyədə qadın futboluna böyük yatırım edilir. "Qalatasaray", "Beşiktaş", "Fənərbaxça", "Trabzonspor" kimi klublar bu sahəyə diqqət ayırır. "ABB Fomget" xüsusi maraq dairəsindədi. Ankara Böyükşəhər Bələdiyyəsi klubun sponsorudu. Hazırda həm akademiyanın, həm də klubun parlaq gələcəyə inamla addımlaması yönündə çalışıram. Akademiyada təxminən 200-ə yaxın qadın futbolçu var. Bununla yanaşı, heyətə təcrübəli legionerlər də cəlb olunur.

Qarşıdakı matçlara hazırıq. İnanırıq ki, bu il çempion olacağıq".