"Bu gün çoxları bizi tənqid edir, klubun tənəzzülə getdiyini düşünür. Amma vəziyyətimiz o qədər də bərbad deyil. Kubokda "Səbail"ə məğlubiyyətə görə bizi çox qınayırlar. Amma reallıq odu ki, biz mübarizə apardıq, sadəcə, böyük hesabla məğlub olduq. Təbii ki, heç kim böyük hesabla məğlub olmaq istəməz. Amma unutmayaq ki, kubok cəmi bir oyundan ibarətdi və o turnir artıq bizim üçün yoxdu. İndi bütün diqqətimizi çempionata yönəltmişik. Hazırda 5-ci pillədə qərarlaşmışıq, vəziyyətimiz o qədər də pis deyil. Qış fasiləsi ərəfəsində son matçda yaxşı nəticə qazanmaqla istirahətə yollanmaq istəyirik. Fasilədə heyətimizi gücləndirəcəyik. Başlıca məqsədimiz bizə faydalı olacaq yerli futbolçuları sıralarımıza qatmaqdı. Premyer-liqada ehtiyatda qalan, 1-ci liqada az şans qazanan, hətta 2-ci liqada potensiallı oyunçularla güclənməyə çalışacağıq. Artıq “gözaltı etdiyim” oyunçular da var. Çempionatda fasilə yaranan kimi transfer çalışmalarına başlayacağıq. Məqsədimiz dəyişməzdi, çempion olmaq üçün bütün gücümüzü ortaya qoyub, sona qədər döyüşəcəyik".