"Şükür Allaha, işlərim qaydasındadı. Dediyiniz kimi, həm qol, həm də məhsuldar ötürmə baxımından fərqlənirəm. Özümü çox yaxşı hiss edirəm. "Eqnatiya"da həm klub rəhbərliyi, həm məşqçilər korpusu, həm də komanda yoldaşlarımla səmimi, mehriban münasibətim var. Menecerimin dediyinə görə, bir çox klubdan təklif almışam. Bu mövzuyla bağlı onun özü maraqlanlr, mən isə matçlara köklənirəm. Ola bilər ki, qış “transfer pəncərəsi”ndə komandadan ayrılım. Çünki təkliflərdən biri diqqətimi cəlb edib. Hazırda menecerim həmin klubla danışıq aparır. Əlbəttə, "Eqnatiya"nın da bəzi şərtləri, tələbləri olacaq. Bunu da nəzərə almaq lazımdı. Ümid edirəm ki, mənim üçün ən yaxşısı olacaq".