“Son oyunumuzu oynadıq. Komanda fiziki yük altında oyuna çıxdı. Bəzi futbolçular zədəli idi. Əsas heyətin bir neçə üzvünə istirahə verdik. Komanda mübarizə baxımdan, taktiki cəhətdən ağıllı oynadı. Yorğunluq fonunda güc və sürət çatmadı. Futbolçularım tapşırıqları yerinə yetirdi. Nəticə bizim üçün vacib deyil. Önəmli olan komandanın oyununu tapması, taktiki cəhətdən düzgün oynamasıdı. Yeni oyunçumuzu də izlədik. Mövqelərdəki problemlərimizi görməyə çalışdıq. İstədiyimizi görə bildik. Ağır məşqlərdən sonra komanda 90 dəqiqə meydanda qala bildi. Nəticələri dəyişmək üçün çalışacağıq. Son pillədən qurtulmaq istəyirik. Transferlərdə riskə getmək istəmədik. Qışda gələn oyunçunu komandaya uyğunlaşdırmaq çətindi. Komandanın potensialı hazırkı yerə uyğun deyil. İrəliləməyə çalışacağıq. Komandada dəyişiləsi çox şeylər var. İndi oyunçu tapmaq çətindi. Mən istəyirəm ki, vingerlərimiz sürətli olsun. Bir vingeri transfer etdik. Bu oyunçunun da tapılması çətin oldu. Sonuncu dəfə dekabrda oynayıb. İki məşq bizimlə oldu. Onun fiziki forması qalxsa, daha yaxşı olacaq. Komandamıza uyğun futbol göstərə bilər”.