Portuqaliyanın vergi polisi “Benfika”, “Sportinq” və “Portu”nun stadionlarında axtarış aparıb. Bu barədə “CNN Portugal” kanalı məlumat yayıb.


"Football-plus.az" xəbər verir ki, məlumatda axtarışların futbolçu transferləri zamanı vergi saxtakarlığı və “çirkli pulların yuyulması” ilə bağlı olduğu bildirilib. “Benfika”da yarımmüdafiəçi Qonsalu Gedeşin PSJ-yə transferi və 2015-20-ci illərdə reallaşan digər əməliyyatlar şübhə doğurub. “Portu” və “Sportinq”də də bir sıra transferlər şübhə altındadı. Bu səbəbdən hətta “Portu”nun prezidentinin və oğlunun evlərində də axtarışlar aparılıb.

Hazırda prosesdə 47 təqsirləndirilən şəxs var. Ümumilikdə 58 milyon avro məbləğində vəsaitdən qeyri-qanuni istifadə edildiyi iddia olunur.