“Azarkeş və dərnəy olaraq, düşüncələrimiz budu ki komandanın və klubun idarəçiliyində kəskin çatışmazlıqlar var və bu da hesabda, oyun planında öz təsirini göstərir. Mutu məşqçi kimi “Neftçi”yə uyğun gəlmədi. Ona 9 turluq sınaq müddəti də verildi ki, çempionat, oyunçular ilə tanış olsun. Amma heç bir irəliləyiş olmadı. Yenə yersiz xal itkisi, məğlubiyyətlər və ən əsası məzmunsuz oyun heç bir azarkeşin ürəyincə deyil. O, özünü doğrultmadı. Artıq şübhəmiz var ki, Mutu komandanın idarəçiliyindən kənarda qalıb. Çünki son oyunda çox aciz vəziyyətdə idi. Yetərincə vaxtı oldu və taktiki planda heç nə edə bilmədi. Ümümiyyətlə, dünyaca məşhur olan bu forvardın seçdiyi hücumçulara və oynatdığı qorxaq futbola məəttəl qalmışıq. Çox keyfiyyətsiz hücum planımız və legionerlərimiz olduğunu artıq hər kəs görür. Təəssüf ki, bu işlər zamanla həll olunmayacaq. Ona görə də dəyişiklik labüd və vacibdi. Oyunçuların məsuliyyətsiz davranışı və səriştəsiz legionerlər də bu komandanın ziyanınadı. Düşünürük ki, Mutu və rəhbərlikdən müəyyən şəxslər qış fasiləsinə kimi klubu tərk etməlidi.13 xal fərqinin ərinməsi çətin görünür. Bu mövsüm “Neftçi” üçün çempionluq bitib. Ən yaxşı halda gümüş medal və kubok olar ki, o da bu qədər maliyyə qarşılığında yenə də fiaskodu”.