“Düşünürəm ki, dəhşətli rəqib deyil. Bu yaxınlarda pley-offda çıxış edən komandaların büdcələri açıqlanıb. Siyahıya baxanda görürük ki, “Qarabağ” qarşılaşmaq istədiyimiz “Yanq Boyz”a belə böyük fərqlə uduzur. Təmsilçimizin bu yerlərə gəlməsi ölkə futbolunu əks etdirmir. Bu, sadəcə, Qurban Qurbanovun və rəhbərliyin sayəsindədi. “Braqa” nə yaxşı, nə də bərbad seçimdi. Növbəti mərhələyə adlamaq şansdan asılıdı.

“Böyük beşlik” Avropa Liqasında nisbi anlayışdı. İngiltərə klubları bu liqaya çox önəm vermir. Ümumiyyətlə, Avropa futbolunun elə bil nöqtəsindəyik ki, böyük “onluq”, hətta böyük “on beşlik” də bizim üçün ciddi rəqibdi. Çoxu “Şaxtyor”la qarşılaşmağımızı istəyirdi. Amma bunu başa düşmürəm. Belə izah edim ki, arabir heyətdə görünən Aleksey Kaşuk Azərbaycanda bəlkə də ən yaxşı legioner olduğunu sübut etdi”.

“Səfər qolu” anlayışı ləğv olunandan sonra belə qarşılaşmalar böyük önəm daşımır. Yəni oyuna hazırlaşmaq və taktiki hazırlıq baxımından hansısa detallar kömək olsa da, ümumi nəticəyə təsir etmir. Qarabağ”ın heyətindən Romao bu ölkədə oynayıb. Bu praktika əvvəllər dəbdə idi. İndi müəyyən proqramlar var. Hamı bir-birini tanıyır. Nə “Braqa”nın baş məşqçisi, nə də Qurban Qurbanov bu variantdan istifadə edəcək. “Braqa”nın “Napoli” ilə oyunlarına baxdım. Yığcam komandadı və söz sahibi yaşlı futbolçulardı. Orta sahədə Moutinyo, arxa xətdə Fonte və “Benfika”dan tanıdığımız Pitsi çıxış edir. Bu tip komandaların müdafiə xətti ləng hərəkət edir. Belə olan halda əks hücumda rəqibə şans verirlər. Ümumiyyətlə, ortabab klubdu, qeyri-adi nəsə vəd etmir. Lakin müəyyən səviyyələri var və bundan aşağı düşmürlər”.