“Desək ki, Sumqayıta mərhələ keçmək üçün getmişdik, yalan olar” – “Karvan” yolda qaldı
Dünən ölkə kubokunun 1/8 final mərhələsinin iki oyunu keçirildi. "Karvan" “Sumqayıt”a müqavimət göstərsə də, son dəqiqələrdə buraxdığı qollarla məğlub oldu.
Yevlaxlıların baş məşqçisi Kənan Kərimov "Football-plus.az" saytına bunları dedi:
"Qarşılaşmanın favoriti "Sumqayıt" idi. Desək ki, Sumqayıta mərhələ keçmək üçün getmişdik, yalan olar. Amma sürpriz edə bilərdik. Alınmadı. İki əsas oyunçumuz zədəliydi. Bundan başqa, futbolçularımda yüklənmə, yorğunluq vardı. Buna rəğmən, meydana çıxıb oyunumuzu oynadıq. Məni sevindirən odu ki, rəqibdən çəkinmədik. Hesabda geri düşdük, sonra bərabərlik qolunu vurduq. Son dəqiqələrdə həm səviyyə fərqi, həm də yorğunluq özünü göstərdi və daha 2 qol buraxmaqla məğlub olduq. Hər halda, bizim üçün yaxşı təcrübə oldu".
ABDULLA İSMAYILOĞLU
Digər xəbərlər
