“Dünən idman xoşbəxtliyi rəqibin tərəfindəydi” – “Karvan” məğlubiyyətə izah tapdı
Dünən futbol üzrə ölkə çempionatının 1-ci liqasında 11-ci tur start götürdü.
Özü də sensasiya ilə. "Difai Ağsu" evdə gözlənilmədən çempionluğa iddialı "Karvan"ı məğlub etdi (1:0). Bu, ağsuluların mövsümdə ilk qələbəsi idi. Yevlaxlıların baş məşqçisi Kənan Kərimov "Football-plus.az" saytına bunları dedi:
"Bəxtsizlik, şanssızlıq futbolun qaçılmazlıqlarındandı. Dünən biz də buna məruz qaldıq. 90 dəqiqə ərzində rəqibi təzyiq altında saxladıq, hücumlarımız bir-birini əvəz edirdi. Meydanda dominantlıq edən biz olsaq da, son nöqtəni qoya bilmədik. Dünən idman xoşbəxtliyi rəqibin tərəfindəydi. Oyunun sonlarında ani bir səhvdən qol buraxdıq. Amma ümidimizi itirmirik. Hələ heç nə itirilməyib. Qarşıdakı oyunlara köklənəcəyik".
ABDULLA İSMAYILOĞLU
Digər xəbərlər
