Dünən İngiltərə premyer-liqasının 17-ci turu çərçivəsində oynanılan ''Bornmut'' - ''Luton'' qarşılaşmasında üzücü olay yaşandı.

“Football-plus.az” xəbər verir ki, hesab 1:1 davam edərkən 60-cı dəqiqə bir andaca ''Luton''un üzvü Tom Lokyer yerə yıxıldı. Hər iki klubun tibbi personalı meydanda təxminən 10 dəqiqə ürəyi ilə bağlı problem yaşayan futbolçuya yardım etdi. Lokyer daha sonra xərəkdə stadiondan çıxarılaraq təcili xəstəxanaya yerləşdirildi. Oyun isə yarımçıq dayandırıldı. ''Luton''da 5-ci mövsümünü keçirən və kapitan sarğısını daşıyan 29 yaşlı futbolçunun infarkt keçirdiyi məlum oldu. ''Bornmut''un həkimi Lokyerin huşunun özündə olduğunu və deyilənlərə reaksiya verdiyini bildirdi. ''Luton'' yaydığı rəsmi açıqlamada klubun növbəti addımının necə olacağının bilinmədiyi, eyni zamanda Lokyer üçün hər kəsin dua etdiyi qeyd olundu.

Bundan başqa ''Luton'' hadisəyə cəld reaksiya verərək Lokyer üçün əlindən gələni edən ''Bornmut''un tibbi personalına da təşəkkür etdi.

ƏLİ