“Sumqayıt” Misli premyer-liqasının 17-ci turunda səfərdə “Kəpəz”lə qarşılaşdı və meydandan “sülh”lə ayrıldı.

Qonaqların aparıcı oyunçularından Vüqar Mustafayev oyundan sonra “Football-plus.az”a qısa müsahibə verdi.

- Vüqar, oyunla bağlı fikirlərin maraqlıdı...
- Üç tur idi qələbə qazana biımirdik. İstəyirdik ki, "Kəpəz" səfərindən qələbəylə ayrılaq. Qış fasiləsinə kimi qalan hər iki matçda yüzfazilik nəticə göstərmək istəyirdik Amma alınmadı. Çalışacağıq ki, etdiyimiz səhvlərdən nəticə çıxaraq.

- Səhvlərdən söz açdın. Səncə, həm "Qarabağ", həm də "Kəpəz" ilə oyundakı əsas səhvləriniz nədi?
- Bu barədə baş məşqçimiz təhlil aparır və səhvlərimizi deyir. Ona görə də onların danışması yaxşı olar. Amma ümumi götürəndə deyim ki, soyuqqanlı olmalı olduğumuz epizodlarda fərqli davranmışıq. Diqqətsizliyə çox yol vermişik. Amma inanıram ki, qarşıdakı turda və qış fasiləsindən sonra bu problemləri aradan qaldıracağıq.

- İlk "3-lük" uğrunda sona qədər mübarizə aparacaqsızmı?
- Bəli, məqsədimiz maksimumum irəli getməkdi.

ABDULLA İSMAYILOĞLU