Argentina futbolunda qeyri-adi hadisə baş verib. Hakim Remixio Armoa matç zamanı futbolçunu bıçaqlayıb!

"Football-plus.az" xəbər verir ki, Misiones əyalətində gənclər arasında keçirilən oyunda futbolçular hakimi mühasirəyə alıblar və dava düşüb. Əsəblərini cilovlaya bilməyən Armoa bıçaqla futbolçulardan birinin sinəsinə zərbə endirib. Komanda yoldaşları huşunu itirən oyunçunu meydandan çıxararaq xəstəxanaya aparıblar. Hazırda futbolçunun müalicə aldığı bildirilir. Polis hadisə yerindən qaçmaq istəyən hakimi saxlayıb.