Braziliya futbolunda növbəti xoşagəlməz hadisə baş verib.

İnsident Espiritu Santu ştatının çempionatının “Nova Venetsiya” və “Desportiva Ferroviariya” komandaları arasında keçirilən oyununda yaşanıb. Qonaq komandanın baş məşqçisi Rafael Soriano fasilə zamanı meydana çıxaraq hakimlər briqadasının işindən narazılığını ifadə etməyə başlayıb. O, emosiyalarını saxlaya bilməyib və başı ilə yan xətt hakimi Marsielli Nettonun üzünə zərbə endirib. Soriano bu hərəkətinə görə qırmızı vərəqə alıb və polis əməkdaşlarının müşayiəti ilə meydanı tərk edib. Bu insident baş məşqçinin istefaya göndərilməsinə rəvac verib.