İngiltərə premyer-liqasının son turunda qeyri-adi hal baş verib.

“Football-plus.az” xəbər verir ki, bazar günü keçirilən “Liverpul” – “Arsenal” matçında (2:2) xoşagəlməz hadisə yaşanıb.

İlk hissənin sonlarında yan xətt hakimi Konstantin Hatsidakis ilə “Liverpul”un müdafiəçisi Endryu Robertson arasında mübahisə yaranıb. Nəticədə laysman futbolçunun boğazına dirsəyi ilə zərbə endirib. İngiltərə futbolunda hakimliyin keyfiyyətinə cavabdeh olan təşkilat - PGMOL 38 yaşlı hakimin bu hərəkətini yolverilməz hesab edib və onu cəzalandırıb. Hatsidakis araşdırma sona çatanadək işindən kənarlaşdırılıb. O, premyer-liqa və ölkə kuboku oyunlarına təyinat almayacaq.