Futzal yığmamız sabah DÇ-2024-ün elit mərhələsinin 5-ci turunda evdə Rumıniya ilə qarşılaşacaq.

Baş məqşçi Vitali Borisov bu futzalçıların xidmətindən yararlana bilər: Emin Kürdov (“Araz-Naxçıvan”), Rövşən Hüseynli (“Atırau”, Qazaxıstan) Emil Həsənzadə, Xəzər Ağalızadə, Novruz Kazıxanov, Amaedu (hamısı “Araz-Naxçıvan”), Amir Şojaei, Fərid Atakişiyev, Ülvi Əliyev, Mirzə Əmirov (hamısı “Neftçi” İK), Tofiq Mikayılov, Oktay Rüstəmli, Nihad İsmayılov (hamısı “Baku Fire”), Rafael Vilela ("Andelext", Belçika), Hadi Ahmedi (“Aktobe”, Qazaxıstan), Felipinyo (“Kancil”, İndoneziya).

Rumıniyanın baş məşqçisi Endre Kaçso isə bu oyunçulara güvənmək niyyətindədi: Petrişor Tonita (Yunayted Qalati), Teodor Lunqu (Timişoara), Valentin İlaş (Timişoara), Andre Luis Sasse (“Xrudim”, Çexiya), Paulo Josue Letra Kosta Ferreyra (“Povoa”, Portuqaliya), Felipe Pinto Viana de Oliveyra (“Kazma”, Küveyt), Dariuş Nastai (“Deva”), Manya Şabolts (“Sepsi Sic Sfantu George”), İştvan Hadnadi, Balint Andor, İşlay Riçard (hamısı “Odorheiu Sekuyesk”), Daniel Arauxo, Vladut Dudau, Andrey Krasiun, Matey Boşneaqa, Robert Krişan (hamısı “Yunayted Qalati”).

Millimiz Rumıniyayla ilk matçdan məğlub ayrılıb – 1:3. İndi yekun nəticənin fərqli olmaq ehtimalı çoxdu. Çünki UEFA-nın danışılmış oyunlarla bağlı apardığı araşdırmadan sonra rəqibin 4 xalı silinib. Rumınıar yığmamızla eyni, yəni 3 xala malikdi. Digər tərəfdən, bu gün Qazaxıstan Niderlandı qəbul edəcək. Ev sahiblərinin qalib gəlməsi yığmamızın qrupdan çıxmaq şansını daha da artıracaq. Ümumiyyətlə, taleyimiz öz əlimizdə deyil. Komanda sabah Rumıniyanı, dekabrın 20-də Niderlandı məğlub etsə belə, qrupdan çıxıb-çıxmayacağı qalan iştirakçıların nəticələrindən asılıdı.

15 dekabr
Azərbaycan – Rumıniya
Hakimlər: DAMİAN QRABOVSKİ, Slavomir Stezko, Monika Çudzinoviç (hamısı Polşa).
Hakim-inspektor: Qjerqji Bitri (Malta).
UEFA nümayəndəsi: Someon Tsolakidis (Yunanıstan).
Bakı İdman Sarayı. Saat 20.00.
1. Qazaxıstan 4 4 0 0 13-7 12
2. Niderland 4 2 0 2 11-8 6
3. Rumıniya 4 1 0 3 6-15 3
4. Azərbaycan 4 1 0 3 11-11 3

KƏNAN BAHADIR