Bu gün Avropa Liqasının qrup mərhələsində 6-cı turun oyunları keçirilib.

"Football-plus.az" xəbər verir ki, turnirdəki yeganə təmsilçimiz “Qarabağ” evdə “Həkken”lə (İsveç) qarşılaşıb. “CBC Sport” oyunu canlı yayınlayıb.

Avropa Liqası
qrup mərhələsi
H qrupu
Qarabağ – Həkken (İsveç) 2:1
L. Andrade, 1, Y. Benzia, 45+4 - B. Hüseynov, 90+4 (ö.q.)
"Qarabağ": 99. Andrey Lunyov, 44. Elvin Cəfərquliyev, 13. Bəhlul Mustafazadə, 55. Bədavi Hüseynov (k), 29. Marko Veşoviç, 6. Julio Romao, 8. Marko Yankoviç, 7. Yassin Benzia, 15. Leandro Andrade, 18, Olavio Juninyo, 10. Abdullah Zubir.
Baş məşqçi: Qurban Qurbanov.

"Hakken": 26. Peter Abrahamsson, 21. Tomas Totland, 5. Even Hovland, 4. Ayham Usu, 13. Simon Sandberq, 27. Romeo Amane, 11. Samuel Qustafson, 18. Mikkel Riqaard, 23. Mamadu Sonko, 10. Ali Yussef, 17. Edvard Çilufya.
Baş məşqçi: Per Matias Hoqmo.
Hakimlər: YUCİN CAYA, Doyando Miftari, Rejdi Avdo, Olsion Yzeiraj (hamısı Albaniya).
VAR hakimi: Luka Payretto (İtaliya).
VAR hakiminin köməkçisi: Valerio Marini (İtaliya).
Hakim-inspektor: Alan Mario Sant (Malta).
UEFA nümayəndəsi: Vaxtanq Bzikadze 9Gürcüstan)
14 dekabr. Bakı. Tofiq Bəhramov adına Respublika stadionu. Saat 21.45.

“Qarabağ” “Molde” ilə səfər oyunundan sərfəli nəticə ilə qayıtdı. “Köhlən atlar” 2:2 hesablı heç-heçə sayəsində ən azı Konfrans Liqasının pley-offunda iştirakı təmin edib. İndiki hədəf isə buna Avropa Liqasında nail olmaqdı. Ümidlər çox böyükdü. Çünki ağdamlılar “Həkken”lə səfər matçından minimal hesablı qələbəylə (1:0) ayrılıb. Onların Bakıda - doğma azarkeşlər önündə daha yaxşı çıxış edə biləcəyini nəzərə alsaq, məğlubiyyət ağla gəlmir. Üstəlik rəqib qrupun “zəif bənd”idi. Lakin hər ehtimala qarı komandanın meydana ən yüksək motivasiya ilə çıxması vacibdi. Baş məşqçi Qurban Qurbanovun bunu bacaracağına şübhə yoxdu.

“Qarabağ”ın itkisinin olduğunu da vurğulamalıyıq. Söhbət “Molde” ilə matçda zədələnən Kevin Medinadan gedir. Amma narahat olmağa dəyməz. Çünki zəngin heyətə malik komandada onu əvəzləyəcək xeyli futbolçu var. Çox güman, Qurban Qurbanov “Həkken”i ənənəvi heyətlə yenməyə çalışacaq. Andrey Lunyov qapını qoruyacaq. Müdafiənin solunda Elvin Cəfərquliyev, mərkəzdə Bəhlul Mustafazadə ilə Maksim Medvedev yer alacaq. Sağ cinahda isə Marko Veşoviçi görəcəyik. Dayaq yarımmüdafiəçisi funksiyası Julio Romaoya, bu mövqenin önü isə Marko Yankoviçə əmanət ediləcək. Abdulla Zubir soldan, Leandro Andrade sağdan rəqibi sıxışdıracaq. Hücumun sivri ucunda Olavio Juninyonun yeri hazırdı.

“Qarabağ” qələbəq qazansa, ölkə futbolumuzda ilk yaşanacaq. Daha dəqiq desək, Azərbaycan təmsilçisi ilk dəfə Avropa Liqasının qrup mərhələsini adlayacaq.

KƏNAN BAHADIR