MBA-da noyabrın 3-dən bəri keçirilən mövsümdaxili turnirə dekabrın 10-da yekun vuruldu. Las-Veqasa keçirilən final oyununda “Leykers” “İndiana”ya qalib gəldi - 123:109 (34:29, 31:31, 25:22, 33:27).

"Football-plus.az" xəbər verir ki, finalın ən məhsuldar oyunçusu “gölməçəsevərlər”in 41 xal toplayan hücumçusu Entoni Devis oldu. Amma tarixdə ilk dəfə keçirilən turnirin ən dəyərli oyunçusu elə bu komandanın forvardı Lebron Ceyms sayıldı. O, final görüşündə 24 xal topladı, 11 ribaund etdi və 4 məhsuldar ötürmə verdi. Ümumiyyətlə, “Leykers” mövsümdaxili turnirdə 7 qələbə qazandı. Lebron bu oyunlarda orta hesabla 26,4 xal topladı, 7,9 ribaund etdi, 7,6 məhsuldar ötürmə verdi. Qalib komandanın hər oyunçusu 500 min dollar mükafat aldı. Finalda uduzan “İndiana”nın hər oyunçusuna isə 200 min dollar verildi.