Həqiqətənmi yerli fanatlar Ayxan Abbasovun komandadan getməsini istəyir? Bu sualı klubla azarkeşlər arasında əlaqələndirici Kamal Saqqayevlə söhbətdə aydınlaşdırdıq: "Nəticədən asılı olmayaraq, fanklub və mütləq çoxluq təşkil edən azarkeşlərimiz bir nəfər kimi Ayxan Abbasova inanır, işinə qiymət verir və komandamızın yanındayıq. Həmişə demişik, bir də deyirik: yaxşı və pis gündə "Turan Tovuz"la birgəyik. Şüar səsləndirənlərə gəlincə, təsadüfi və qərəzli şəxslərdi. Onlar nə futboldan, nə də komandanın hansı yollardan keçdiyini bilməyən kəslərdi. Odu ki, belələrini ciddiyə almağa dəyməz".