Misli premyer-liqasının 24-cü turunda baş tutan "Turan Tovuz" - "Zirə" oyununda qonaqlar 2:0 hesabı ilə qələbə qazandı. Buna baxmayaraq, yerli azarkeşlər baş məşqçi Ayxan Abbasovu böyük coşquyla alqışlayaraq dəstəklədi, ünvanına xoş sözlər səsləndirdi.

Bu sevincin səbəbi nədi? "Football-plus.az" saytı olaraq bunu aydınlaşdırmaq üçün "Turan Tovuz"un azarkeşlərlə əlaqələndiricisi Kamal Saqqayevlə əlaqə saxladıq:

"Biz tovuzlular yumruq kimi komandamızın yanındayıq. Komandanı sıfırdan formalaşdıran, inkişaf etdirən məhz Ayxan Abbasovdu. Məşqçi bacarığına, insanlığına, tovuzlulara olan hörmətinə görə ona sevgimiz sonsuzdu. Baş məşqçi kimi işi də göz önündədi. Çoxlarının gözləmədiyi halda komandamız ilk "6-lıq"dadı. Ona görə də "Turan Tovuz" uduzanda belə, biz Ayxan müəllimin yanındayıq və ona əlimizdən gələn dəstəyi göstərəcəyik".

ABDULLA İSMAYILOĞLU