"Bizdə həmişə futbol çempionatı keçirmək çətin olub. Həmişə turniri ağır şərtlər, maddi çətinliklər altında həyata keçirmişik. Ötən mövsümdə də klubların çoxlu sıxıntıları vardı. Çox çətinliklə çempionatı yola verə bildik. Bu il də komandalar müraciət etdik. Amma Şərurun "Arpaçay"ından başqa hamısı turnirə qoşulmaqdan imtina etdi. Klubların hamısının maddi-texniki, baza baxımından ciddi problemləri var. Üstəgəl forma və digər təchizatlarda da yoxsulluqdu. Odu ki, klublar çıxış edə bilməyəcəklərini dedilər. Biz də bu barədə AFFA-nın aidiyyatı qurumuna xəbər göndərdik və bildirdik ki, bu il Naxçıvanda çempionat keçirə bilməyəcəyik. Adətən, bizdə turnirin qalibi olan komanda Region Liqasında pley-off oynayırdı. Amma hazırkı durumda çempionat keçirməyəcəyimizdən hansısa komandamız pley-offa getməyəcək".