"Muxtar respublikada vətəndaşların idmanın müxtəlif növlərində olduğu kimi, futbol sahəsində də peşə sahibi olub uğurlu gələcək qurmaları, bu sahədə mütəxəssisləşmə və ən əsası fiziki, zehni cəhətdən sağlamlıqlarının qorunması məsələlərinə xüsusi yanaşılır. İdman sahəsinə göstərilən diqqət və qayğı idmançıların həyat tərzinə əhəmiyyətli dərəcədə təsir edir. Bu mənada maddi-texniki bazanın ildən-ilə daha da genişləndirilməsi, ixtisaslı kadrların formalaşdırılması, kütləvilik, karyera imkanlarının artırılması və mövcud perspektivlərə əsaslanan addımlar günümüz üçün sevindirici, gələcək üçün ümidverici amilə çevrilib. Maddi-texniki bazanın gücləndirilməsi, müasir idman infrastruktrunun, eyni zamanda stadionların yenidən qurulması işinin davam etdirilməsi və mövcud stadionlardan səmərəli istifadənin inkişaf etdirilməsi federasiyamızın əsas iş prinsiplərindən biri olacaq".