"Region Liqasında çıxış edən komandaların vəziyyətinin bərbad olduğunu deməzdim. Hər bir komandanın sponsorları var, minimum tələb olunan standartlarla təmin olunublar, hazırda da ikinci yarıya hazırlaşırlar. Sədərək Muxtar Respublikanın ən kiçik rayonlarından biridi. Bölgənin eyniadlı komandansının ötən ildən sıxıntıları vardı. "Sədərək" heyətini formalaşdırmaqda, toplanış keçrməkdə və matçlara gəlməkdə çətinlik çəkirdi. Bizdə hava şəraitiylə bağlı oyunlar saat 14.00 və 15.00-da keçirilir. Adı çəkilən komandanın üzvlərindən işi çıxan, institutda dərsləri olan vardı. Bu və başqa səbəblərə görə matçları buraxırdılar. Çempionatın startından cəmi 1 oyuna çıxa bildilər. Qalan qarşılaşmalara gəlmədiklərinə görə texniki məğlubiyyət verildi. Mövcud əsasnaməyə görə də 3 dəfə texniki məğlubiyyət alan komanda çempionatdan uzaqlaşdırılır. Bununla bağlı barədə Sədərəyin idman idarəsinin rəisiylə də danışdıq, həmçinin AFFA-da aidiyyatı quruma məlumat verəndən sonra "Sədərək" çempionatdan uzaqlaşdırıldı. Qalan Muxtar Respublika təmsilçilərində hər şey qaydasındadı, hazırlığnı davam etdirirlər".