“Kim deyir ki, biz Aydın Bayramovu söymüşük?”
"Qəbələ" - "Turan Tovuz" qarşılaşması zamanı yerli azarkeşlər nalayiq ifadələr işlətdilər.
Qəbələli azarkeşlər rəqib komandanın qapıçısı Aydın Bayramovu qıcıqlandırmaqla məşğul idi. 4-cü qoldan sonra fanatlar "əlcək sahib"inə təhqirlər yağdırdı. Bu zaman qolkiper də onlara söyüşlə cavab verdi. Yerli fanatların belə davranışının səbəbini aydınlaşdırmaq üçün "Red-Blak Army" fanklubunun rəhbəri Nəriman Təbrizdən açıqlama aldıq:
"Tribunamız stadionun çıxışında yerləşdiyinə görə sıravi azarkeşlərin giriş-çıxışı da bizim yanımızda olur. Ona görə də hansısa sravi azarkeşin nəsə etməsinin məsuliyyəti bizim fankluba aid deyil. Azarkeş qrupu olaraq, belə şey müşahidə etməmişik. Sıravi azarkeşlərdən kiminsə rəqib qapıçını söydüyünü də görməmişik”.
Xoşagəlməz olayla bağlı "qırmızı-qaralar"ın nüfuzlu azakeşi Elvin Əliyevin də reaksiyasını öyrəndik:
"Kim deyir ki, biz Aydın Bayramovu söymüşük? Belə hal mümkün deyil. Əvvəla ona görə ki, təhqirlərə yol verilməyib. İkincisi, yerli futbolçudu, onu nəyə görə aşağılayaq? Biz həmişə azərbaycanlı futbolçulara münasibətdə həssas olmuşuq".
ABDULLA İSMAYILOĞLU
Digər xəbərlər
