"Cənubi Kiprlə Bakıdakı oyunda çox qol şansımız oldu. Ancaq o zaman bir-birimizi yaxından tanımırdıq. İndi bura qələbə üçün gəlmişik. Ciddi rəqibdi, hesabında 7 xal var. Hətta Monteneqronun da şansları qalıb. Lakin biz Allahın köməyi ilə məsələni Limassolda həll etmək istəyirik. Bilirsiz ki, Kipr kimi komandalar sürpriz "bomba" olur. Hər an təhlükə gözləmək olar. Lakin biz hər şeyi anlayırıq və vətən qələbə ilə dönmək niyyətindəyik. Ümid edirəm ki, futbol bəxti tərəfimizdə olacaq".

"İlk məqsədimiz qrupdan lider çıxmaqdı. Daha sonra B liqasına gedirik. Ancaq qrupdan çıxmağımızı təmin etmədiyimizdən indidən gələcək planlar barədə nəsə deyə bilmərəm".

"Rusiyada qadın futbolu ilə çox böyük kütlə məşğul olur. Hər komandanın məşqçilər heyəti yeni qızlar yetişdirmək üçün bir-biri ilə rəqabət aparır. Orda yüksək, əvəzedici, gənclər və 7, 8, 9 yaşlı qızlar üçün liqalar var. Soyuq hava zamanı bağlı arenalarda yarışlar təşkil olunur. Yəni orda fasilə vermək yoxdu. Təbii ki, belə şərait olan yerdə ölkədə qadın futbolunun səviyyəsi yüksək olacaq. Ancaq Azərbaycanda bu zəifdi. Klub məşqçilərindən, valideynlərdən çox şey asılıdı. Düzdü, mentallığınn da təsiri var. Mən burdan valideynlərə səslənmək istəyirəm ki, uşağınızla fəxr etmək, ölkəmizin dünyada təmsil olunmasını istəyirsizsə, övladlarınıza kömək olun. Əlbəttə, ali təhsil almaq da önəmli amildi. Amma idman da sağlamlıqdı. Hazırda millidə çıxış edən futbolçular klub məşqçilərin tapdıqlarıdı. Bunu davam etdirmək lazımdı. Biz burda əbədi deyilik. Yeni nəsil yetişdirmək lazımdı. İndi uğur qazanırıqsa, bu, sadəcə, 36 nəfərin yox, ölkəmizin, bizə dəstək olan AFFA-nın, azarkeşlərin, ailəmizin köməyidi. Düşünə bilərik ki, Rusiya 150 milyonluq ölkədi, hə, orda qadın oyunçu tapmaq çox olar. Azərbaycanda isə əhali sayı az olduğuna görə qıtlıq yaşaya bilərik. Lakin bu fikirdən qaçmalıyıq. Niyə qız futboluna keyfiyyətli kütlə yığmayaq? Bu yolda hər kəs bir olmalıdı. O zaman qadın oyunçularımız yetişəcək. Bir fərqi qeyd edə bilərəm ki, Rusiyada "Spartak", "Dinamo", "Lokomotiv" və mən çıxış etdiyim "Krasnodar" kimi komandaların yaxşı səviyyədə qadın kollektivləri var. Təəssüf ki, burda yalnız "Neftçi"nin, "Sumqayıt"ın qadın komandasının olduğunu görmüşəm. Onlar bunun üçün nəsə etməyə çalışırlar. Bəlkə də unutduğum olar, üzürlü sayın, ancaq "Qarabağ"ın, "Sabah"ın da qız komandasının olmasını istəyirəm. Qoy valideynlər həvəslənib qızlarını futbola yazdırsın. Hazırda qız futbolunun inkişafı yalnız federasiyanın çiyinlərindədi".