"Oyun çox dinamik keçdi. Hər iki komanda sürətli oynayır, nəzarəti ələ almağa çalışırdı. Tempin təsiri altına düşdüyümüzdən qapımıza üç penalti təyin edildi. İkisi haqlı olsa da, birində ədalətsizlik oldu. Ümumiyyətlə, hakimdən narazı qaldıq və bu haqda iradlarımızı bildirdik. Lakin işə yaramadı. Futbolçularım meydanda əlindən gələni etdi. Bəzi səhvlər olmasa, nəticə başqa cür ola bilərdi. Rəqibdən narazılığımız yoxdu. Həm təşkilatçılıq, həm də meydanda mübarizə çox yaxşı idi. Futbolçularımdan da razıyam. Əvəzetmələri hər kəsə şans vermək məqsədiylə etdim. Uşaqlar son ana qədər meydanda qalmağa hazır idi. İnşallah, tezliklə belə bacarıqlı oyunçuları "Qəbələ"nin əsas komandasında görəcəyik".