“Olimpiakos”un futbolçuları “Qəbələ”yə təşəkkür etdi – Famil Xəlilov səbəbi açıqladı
“Qəbələ”nin U-19 komandası sabah Gənclər Liqasının 2-ci mərhələsində səfərdə “Olimpiakos”la qarşılaşacaq.
“Qırmızı-qaralar” artıq Yunanıstandadı. Onlar dünən gecə saat 04.00-da Bakı – İsanbul – Afina reysiylə yola düşüb. Kollektiv hazırda “Athens Avenue” hotelində məskunlaşıb.
Futbolçuların son durumu, oyunun keçiriləcəyi stadionun vəziyyəti və ümumi ab-hava haqda məlumat almaq məqsədiylə komandanın baş məşqçisi Famil Xəlilovla danışdıq. Onun “Football-plus.az”a söylədikləri:
“Şükür Allaha, sağ-salamat çatmışıq. Hər şey qaydasındadı. Burda bizə xoş münasibət göstərilir. İndi yol yorğunluğundan qurtulmaq üçün istirahət edirik. Saat 17.00-da oyunöncəsi son məşqə çıxacağıq. Stadionla da həmin vaxt tanış olacağıq. Bizə dedilər ki, bu arenada Çempionlar Liqasının finalı da keçirilib. İndi bizim sayəmizdə onlar da “Georgios Karaiskakis”də oynayacaq. Hətta rəqib buna görə bizə təşəkkür etdi. Düşünürəm ki, ot örtüyü ideal vəziyyətdədi. Soydaşlarımızın bizi dəstəkləməyə gəlib-gəlməyəcəklərini bilmirəm. Lakin çox istəyərəm ki, komandanı tək qoymasınlar, yanımızda olsunlar”.
KƏNAN BAHADIR
Digər xəbərlər
