A seriyasının 13-cü turunu böyük maraqla gözləməyə dəyərdi.

“Football-plus.az” xəbər verir ki, turun Turində keçirilən mərkəzi oyunundan əvvəl lider “İnter”lə “Yuventus” arasında 2 xallıq fərq vardı. Təbii ki, ev sahibləri qələbə qazanmaqla bu mövsüm ilk dəfə vahid liderliyi ələ almağa, qonaqlar isə mövqeyini daha da möhkəmləndirməyə çalışacaqdılar.

Prinsipial dueldən əvvəl “İnter” A seriyasında ardıcıl 4, “Yuventus” isə 5 qələbə qazanmışdı. “Alyants Stedium”dakı matçda tərəflər çox da riskə getmədi. İlk hissə dinamik mübarizə şəraitində getdi. Çalhanoğlu ilə Türam əla şansları boşa verəndən sonra “Yuventus” Vlahoviçin zərbəsi ilə hesabı açdı. Sentyabrın 16-da sonra ilk qoluna sevinən serbiyalı hücumçunun komandasının sevinci çox da çəkmədi: 6 dəqiqə sonra Lautaro Martines Türamın cinah ötürməsini dəqiq tamamladı. Bundan sonra meydan sahiblərinin yenidən təşəbbüsü ələ alacağını düşünmək olardı. Lakin Massimiliano Alleqrinin komandası qalan vaxtda qapıçı Zommeri ciddi şəkildə narahat edə bilmədi. Simone İnzaqinin çalışdırdığı “İnter”in cəhdləri isə Şçensnı üçün çox da təhlükəli alınmırdı. Vaxt ötdükcə komandalar daha yığcam və ehtiyatlı oyuna meyl edirdilər. Sanki liderlə əsas izləyicisi ikinci topu buraxmaqdan qorxduğu üçün arxa xətdə daha çox oyunçu saxlamağı vacib sayırdı. Beləcə matç strateji “sülh” ilə sona çatdı. Qələbə seriyası qırılan “İnter” 1-ci, “Yuventus” 2-ci yerdə qaldı.

Nəhayət, “Milan” çempionatdakı 4 oyunluq (2 heç-heçə, 2 məğlubiyyət) qələbəsizliyə son qoydu. Stefano Pyoli müxtəlif səbəblərdən bir sıra hücumameyilli oyunçulardan məhrum idi. Buna baxmayaraq, onun komandası evdə “Fiorentina”nı minimal hesabla məğlub edərək 3-cü yerdəki mövqeyini qorudu.

Valter Matsarrinin Neapola dönüşü uğurlu alındı. Doğrudu, təcrübəli mütəxəssisin köhnə-yeni komandası hesabat turunun oyununu Berqamoda keçirdi. Yerli “Atalanta” ilə heç də asan keçməyən matç neapolluların 2:1 hesablı qələbəsi ilə nəticələndi. 4-cü yerdə olan son çempion indi liderdən 8 xal geri qalır.

13-cü tur
Salernitana – Latsio 2:1
Kastanos, 55. Kandreva, 66 – İmmobile, 43-p. (16700)
Latsio: Provedel, Maruşiç, Qila, Patrik, Latsari (Hüsay, 62), Kamada, Kataldi (Vesino, 81), Genduzi, Zakkanyi (Pedro, 62), Felipe Anderson (İsaksen, 69), İmmobile (Kastelyanos, 69).
Atalanta – Napoli 1:2
Lukmen, 53 - Kvaratsxeliya, 44. Elmas, 79. (14743)
Atalanta: Karnesekki, Kolaşinats (Bonfanti, 76), Cimşiti, Skalvini, Bakker (Rucceri, 46), Ederson, Zappakosta (Hatebur, 33), Koopmeyners, Paşaliç, Lukmen, (Muriel, 84), De Ketelare (Skamakka, 84).
Napoli: Qollini, Olivera (Juan Jezus, 39), Natan (Estiqor, 84), Rrahmani, Di Lorentso, Zyelinski (Kayuste, 78), Zambo Angissa, Lobotka, Kvaratsxeliya, Politano (Elmas, 63), Raspadori (Osimhen, 63).
Milan – Fiorentina 1:0
Ernandes, 45+2-p. (73074)
Milan: Menyan, Ernandes, Tiav, Tomori, Kalabriya (Florentsi, 90+2), Pobeqa, Musa (Kruniç, 84), Reynders, Pulişiç (Loftus Çik, 60), Çukvueze, Yoviç (Kamarda, 83).
Fiorentina: Terraçano, Biraqi, Lukas Martines, Milenkoviç, Parizi, Dunkan (Mandraqora, 81), Artur (Lopes, 46), Sottil (İkone, 81), Bonaventura (Kuame, 88), Qonsales, Beltran (Nzola, 70).
Roma – Udineze 3:1
Mançini, 20. Dibala, 81. Əl-Şaaravi, 90 - Toven, 57. (61015)
Roma: Patrisio, Ndika, Lyorente, Mançini, Spinatsola (Əl-Şaaravi, 63), Lorentso Pelleqrini (Azmun, 63), Paredes (Bove, 77), Kristante, Karsdorp (Zalevski, 77), Dibala (Kristensen, 83), Lukaku.
Yuventus – İnter 1:1
Vlahoviç, 27 - Lautaro Martines, 33. (41507)
Yuventus: Şçensnı, Qatti, Bremer, Ruqani, Kostiç (Aleks Sandro, 89), Rabyo, Nikolussi Kavilya (Lokatelli, 61), Kambyaso, Makkenni, Kyeza (Milik, 80), Vlahoviç (Ken, 80).
İnter: Zommer, Açerbi, De Vrey, Darmian, Dimarko (Auqusto, 70), Dyumfris (Kuadrado, 70), Mxitaryan, Barella (Frattezi, 88), Çalhanoğlu (Asllani, 83), Lautaro Martines, Türam (Arnautoviç, 88).
Kalyari – Montsa 1:1
Dossena, 10 – Mariç, 61. (16291)
Empoli – Sassuolo 3:4
Kaputo, 3-p. Fatsini, 25. Kovalenko, 86 – Pinamonte, 9. Enrike, 20. Berardi, 66-p.; 90+2. (9934)
Frozinone – Cenoa 2:1
Sule, 34. Monterizi, 90+4 – Malinovski, 38. (14018)
Verona – Leççe 2:2
Nqonqe, 41. Curik, 77 – Udin, 30. Qonsales, 69.
Bolonya – Torino 2:0
Fabbian, 56. Zirkze, 90+1.
1. İnter 13 10 2 1 30-7 32
2. Yuventus 13 9 3 1 20-8 30
3. Milan 13 8 2 3 21-14 26
4. Napoli 13 7 3 3 26-14 24
5. Roma 13 6 3 4 25-15 21
6. Fiorentina 13 6 2 5 20-17 20
7. Atalanta 13 6 2 5 21-13 20
8. Bolonya 12 4 6 2 13-10 18
9. Montsa 13 4 6 3 14-12 18
10. Frozinone 13 5 3 5 19-21 18
11. Latsio 13 5 2 6 14-15 17
12. Torino 12 4 4 4 10-14 16
13. Sassuolo 13 4 3 6 20-24 15
14. Leççe 12 3 5 4 13-16 14
15. Cenoa 13 4 2 7 14-18 14
16. Udineze 13 1 8 4 9-18 11
17. Kalyari 13 2 4 7 13-25 10
18. Empoli 13 3 1 9 8-25 10
19. Verona 12 2 2 8 7-16 8
20. Salernitana 13 1 5 7 10-25 8
Bombardirlər: Lautaro Martines (İnter) - 13, Berardi (Sassuolo), Jiru (Milan) - 7.
Növbəti turun oyunları dekabrın 1-4-ü aralığında keçiriləcək: Montsa - Yuventus, Cenoa – Empoli, Latsio - Kalyari, Milan – Frozinone, Leççe – Bolonya, Fiorentina – Salernitana, Udineze – Verona, Sassuolo – Roma, Napoli - İnter, Torino - Atalanta.
B SERİYASI
14-cü tur: Sampdoriya - Spetsiya 2:1, Bari - Venetsiya 0:3, Çittadella - Züdtirol 2:1, Komo - FeralpiSalo 2:1, Kremoneze - Lekko 1:0, Parma - Modena 1:1, Reccana - Askoli 1:1, Piza - Breşia 1:1, Katanzaro – Kozentsa 2:0, Ternana - Palermo 1:1.
1. Venetsiya 14 9 3 2 22-11 30
2. Parma 14 9 3 2 28-13 30
3. Kremoneze 14 7 4 3 21-12 25
4. Komo 13 7 3 3 17-14 24
5. Palermo 14 7 3 4 19-11 24
6. Katanzaro 14 7 3 4 22-18 24
7. Modena 14 6 5 3 14-13 23
8. Çittadella 14 6 4 4 17-18 22
9. Kozentsa 14 5 4 5 17-14 19
10. Bari 14 3 9 2 15-16 18
11. Piza 14 4 5 5 14-15 17
12. Züdtirol 13 4 4 5 18-17 16
13. Sampdoriya (-2) 14 5 3 6 16-17 16
14. Reccana 14 3 7 4 14-17 16
15. Breşia 13 3 5 5 10-13 14
16. Askoli 14 3 4 7 14-18 13
17. Lekko 13 3 3 7 13-21 12
18. Spetsiya 14 1 7 6 11-20 10
19. Ternana 14 1 5 8 13-19 8
20. FeralpiSalo 14 1 4 9 10-28 7
Bombardir: Koda (Kremoneze) - 9.
Turun rəqəmi
15 - Françesko Kamarda “Milan”ın əsas komandasında debüt etdi. A seriyasının “Fiorentina” ilə matçında (1:0) meydana 15 yaş 260 günlüyündə çıxan hücumçu liqanın yeni rekordçusu oldu. Françesko A seriyasında meydana çıxan ən yeniyetmə futbolçu kimi tarixə düşdü. Əvvəlki rekord 15 yaş 274 günlüyündə “Cenoa”ya qarşı oynayan “Bolonya”nın müdafiəçisi Uisdom Ameyə məxsus idi.

Turun ulduzu
Qriqoris Kastanos (Salernitana) – kiprli yarımmüdafiəçi komandasının cari mövsümdə ilk qələbəsini qazanmasında böyük pay sahibi oldu. O, “Latsio” üzərində əzmkar qələbədə qol və məhsuldar ötürmə ilə rol oynadı. 26 yaşlı Qriqorisin bu mövsüm A seriyasında ilk qoluna sevindiyini də bildirək.

Turun sitatı
Alessandro Del Pyero, “Yuventus”un sabiq hücumçusu: “Hər iki komanda skudetto uğrunda mübarizəyə hazır olduğunu əyani göstərdi. “Yuventus”la “İnter” bu baxımdan “Milan” və ya “Napoli” ilə müqayisədə daha sabit çıxış edən komandalardı”.