Canni de Byazinin yığmanın baş məşqçi postundan ayrılmazdan əvvəl Qara Qarayevi komandaya dəvət etməməsinin səbəbini açıqladığını bilirsiz. İtaliyalı bunu ötən il keçirilən Azərbaycan - Belarus matçında (2:0) Ramil Şeydayevin qolundan sonra futbolçunun sevinməməsiylə əlaqələndirir. Oyunçu hadisəylə bağlı açıqlama yaysa da, De Byazinin iddiasının həqiqi olub-olmadığı bilinmir.

Xatırlayırsızsa, ötən sayımızda bununla bağlı mütəxəssisin sabiq köməkçisi Arif Əsədov və millimizin həmin matçda Qarayla birlikdə ehtiyat oyunçular skamyasında əyləşən üzvləri Səlahət Ağayev və Coşqun Diniyevlə əlaqə saxlamışdıq. Arif bəy həmin anda Qaranın hansı reaksiyanı verdiyindən xəbərsiz olduğunu desə də, adı çəkilən futbolçular susmuşdu. O gündən bəri həm Səlahət, həm də Coşqun açıqlama verməkdən yayınır.

Belədə araşdırmanı davam etdirdik. Bu dəfə sözügedən oyunu “CBC Sport”un efirində şərh edən Nurlan Valehoğlu ilə əlaqə saxladıq. Təəssüf ki, o da həmin epizodun şahidi olmadığını, daha dəqiq desək, futbolçuların sevinmə anında diqqətinin Qarada olmadığını bildirdi. Növbəti müraciətimiz isə həmin matçda iştirak edən Namik Ələskərova oldu. Futbolçu da həmin epizodda Qaranı izləmədiyini bildirdi. Lakin fərqli bir şey də dedi:

Beləliklə, futbolçuyla bağlı müəmma hələ də davam edir. Maraqlıdı, görəsən, kimsə ortaya çıxıb Qaranın günahsız olduğunu, həmin anda cani-qəlbdən sevindiyini və buna şahidlik etdiyini deyəcəkmi? Yoxsa susmağa davam?!

KƏNAN BAHADIR