"Bu oyunun 4-cü çeyrəyinə tam baxdım. "Neftçi" çox layiqli qələbə qazandı. Bu paylaşımda "Sabah"ın oyunçularına söz atmaq fikrim olmayıb. Bildiyimə görə, "tələbələr"in 2 milyon manat, bəlkə də bundan artıq büdcəsi var. Məncə, onlar bu şəraitdə bütün oyunlarda qalib gəlməlidilər. Çəkilən əziyyətin nəticəsi meydanda görünmədi. Komanda Bakıda "Nimburk"la avrokuboklardakı son oyunda yaxşı performans göstərmişdi və az qala qalib gələcəkdi. Fikrimcə, kollektiv bu dəfə də güclü mübarizə aparmalıydı. Ancaq "bayquşlar"da bunu hiss etmirəm".

"Qələbə qazansaq da, meydanda istədiyimizi tam göstərə bilmirik. Bu gün səhhətimdə olan problemə görə də yaxşı performans göstərə bilmədim. "NTD-İndiqo"ya məğlub olduğumuz oyun gözlənilməz oldu. Həmçinin "Sərhədçi" İdman Mərkəzində hərbçilər arasında dünya çempionatına hazırlıq getdiyi üçün tam səviyyədə məşq də keçə bilmədik. Baş məşqçimizin verdiyi tapşırıqların hər birini etməliyik. Oyunçularımız parketə arxayın çıxır. Belə olanda da işlər düz getmir. İnanıram ki, gələcəkdə yaxşı olacaq. Növbəti tur "Xırdalan"la qarşılaşırıq. Onlar da güclü kollektivdi. Əlimizdən gələni edib qələbə qazanmaq istəyirik".